ZD Radio

"Mimi ni Mzanzibari na sitaki Muungano", anasema Dulla Kidume

Muda na jaala, hazina zisubiri
Mara huwa wesha, 'kawa hatunao
Lisifanywe kesho, la kufanywa leo

Kwa kumbukumbu za mauaji ya Januari 27, 2001.
Tumesamehe.
Hatusahau!

Simchi kattu simchi, asiyeicha nchiye
'Siyewacha wananchi, nami simchi naye

'Menijia fukara dhalili, kushakongoka, wataka nikusikize
Mararu dhoofulhali, maguuni waporomoka, wataka nikunyamaze
'Mekuja kutoka mbali, kuja lalamika, ati nikuliwaze
Haya wima tafadhali, sasa tamka, kila kitu nieleze
Kwa uradhi wa rohoyo, sema nikufanyeje!?

Kwa nyakati hizi, za mwisho wa siku, tungo nayandika
Moyoni simanzi, punde ni usiku, giza litazuka
Uje uduwanzi, niwe zumbukuku, nishindwe kumbuka
Nguvu zinihizi, nifungwe vikuku, na kuporomoka
Kurasa zishafungika!

Nakumbuka, zamani si leo. Zenji ilikuwa dola
Iliamka, mwanzo wa mawiyo, wengine walipolala
'Lihishimika, na wengi wao, ili na muala
Leo hii wapi!?

Mwanangu unanijia, hali unatiririka, damu muili mzima
Tumboni ninaumia, ini linanikatika, moyo wapwita wauma
Lipi limekutokea, shenzi walonaalika, washakupiga kwa vyuma!?
Kwa nini wakakupiga?

"Hushika kalamu kuiandika sifayo
Humalizika wino sijayesha manenoyo
Vitabu vi tele: Ulaya, Asia na Amerika zitajazo hadhiyo
Huja mawiyo, kaja machana, yakaja machweyo
Ela kamwe sishi kuitaja hishimayo"

Kwa jinalo wewe, tungo naiandika, na kuikariri
Nataka ujuwe, ndiwe msifika, ndiwe wangu huri
Lolote naliwe, sitakukanuka, sitakughairi
Kila kitu wewe, uliyetukuka, Mama Zinjibari!

Nyumbani oo nyumbani, kwetu ninakukumbuka
Gizani humu gizani, machozi yamiminika
Kwa nini hivi kwa nini, kwetu miye nikauka?

Ilipovunjika, isikandike, sasa itakandika
Ilipokatika, isiungike, sasa itaungika
Lipochanjagika, isikandike, sasa itakandika
Yetu sio ya kuvunda, ina ubani!

Naota ni mkoloni, naitawala Ulaya
Britini, Jarumani, Uswidi na Rumania
Zote zimo mikononi, ninazo nazikalia

Uskoti na Udeni, Ureno hadi Rusiya
Wapo pangu maguuni, amri wanangojea
Nawambia: “Piganani!” nao vitani wangia

Ni yeye nimuwazaye, munamo fikira zangu
Ndiye mwezi nimwonaye, ang’araye kwenye mbingu
Na nyota aongozaye, dira ya safari yangu
Ni yeye ndiye mwenyewe!

Tunao huu tunao, twendanao polepole
Wala hatutaki mbao, matawi wala shinale
Tutakalo twende nao, tuubwage chalechale
Na tutawatenda ja vile, kulinda wajifanyao

Next Page